Italiya bosh vaziri Meloni Fors ko‘rfazida muhim muzokara o‘tkazdi
Italiya bosh vaziri Djordjiya Meloni yaqinda Yaqin Sharqdagi keskin geosiyosiy vaziyat fonida Fors ko‘rfazi davlatlariga rasmiy tashrif amalga oshirdi. Uning safarlari qatoriga Saudiya Arabistoni, Qatar va Birlashgan Arab Amirliklari kiradi. Shu bilan Meloni Yevropa Ittifoqi va NATO mamlakatlari orasida mintaqada bo‘lgan ilk yetakchi liderlardan biriga aylandi.
Tashrif davri AQSH va Isroilning Eronga qarshi harbiy harakatlari davom etayotgan, hamda mintaqada raketa hujumlari kuzatilayotgan bir paytga to‘g‘ri keldi. Bu safarning rejasi xavfsizlik sababli oxiriga qadar maxfiy saqlangan edi. Italiya ommaviy axborot vositalari xabar berishicha, mamlakatning maxsus xizmatlari bosh vazirni bunday xavfli safardan qaytarishga harakat qilgan.
Shunga qaramasdan, Meloni Saudiya Arabistonida shahzoda Muxammad bin Salmon va Qatarda amir Tamim bin Hamad Ol Taniy bilan uchrashuvlar o‘tkazdi. Quvaytga tashrif xavfsizlik sabab bekor qilingan.
Rasmiy maʼlumotlarga ko‘ra, Melonining asosiy maqsadi Fors ko‘rfazi davlatlari bilan siyosiy va iqtisodiy aloqalarni mustahkamlash hamda strategik hamkorlikni kengaytirish edi. Tahlilchilar esa bu tashrifda asosiy omil sifatida global energetika xavfsizligini ko‘rsatmoqda. Fors ko‘rfazi neft va gaz zaxiralari bo‘yicha muhim markaz bo‘lib, dunyo narxlariga sezilarli taʼsir qiladi.
Shuningdek, uchrashuvlar davomida Meloni va Qatar amiri Ho‘rmuz bo‘g‘ozini qayta ochish va mintaqadagi energetika obyektlarini Eron hujumlaridan tiklash masalalarini muhokama qildi. Meloni Qatarga ushbu jarayonda yordam berishga vaʼda berdi.
Bu safar Yevropa va Janubiy G‘arb siyosati uchun ham, global energetika barqarorligi uchun ham muhim ahamiyatga ega bo‘lgani aytiladi.
