Gulistonda «Damas» avtomashinasi portlab ketdi

Dastlabki ma’lumotlarga ko‘ra, joriy yilning 27 mart kuni soat 08:30larda, Sirdaryo viloyati, Guliston shahar, Bog‘ishamol MFY hududida joylashgan avtotransport vositalariga gaz to‘ldirish shahobchasida to‘xtab turgan, fuqaro N.Q.ga tegishli bo‘lgan «Damas» rusumli avtomobilning gaz ballonida chaqnash sodir bo‘lgan.

Hodisa natijasida tan jarohati olgan fuqarolar yo‘q.

Mazkur holat yuzasidan Guliston shahar IIO FMB YHXB va FVB xodimlari tomonidan surishtiruv harakatlari olib borilib, chaqnash yuzaga kelish sabablariga oydinlik kiritilmoqda.