O‘zbekistonda bir kunda yana 381 kishida koronavirus aniqlandi

O‘zbekistonda 7 may kuni yana 381 kishida koronavirus infeksiyasi tasdiqlandi, deb xabar beradi Sog‘liqni saqlash vazirligi matbuot xizmati. Mamlakatda koronavirusga chalingani rasman tan olinganlar soni 93 978 nafarga yetdi.

Yangi kasallanish holatlarining

• 11 nafari Qoraqalpog‘iston Respublikasida,
• 7 nafari Andijon viloyatida,
• 11 nafari Buxoro viloyatida,
• 7 nafari Jizzax viloyatida,
• 6 nafari Qashqadaryo viloyatida,
• 3 nafari Navoiy viloyatida,
• 8 nafari Namangan viloyatida,
• 80 nafari Samarqand viloyatida,
• 8 nafari Sirdaryo viloyatida,
• 4 nafari Surxondaryo viloyatida,
• 15 nafari Farg‘ona viloyatida,
• 6 nafari Xorazm viloyatida,
• 62 nafari Toshkent viloyatida,
• 153 nafari Toshkent shahrida koronavirusga chalingan bemorlar bilan muloqotda bo‘lgani sababli namuna olingan fuqarolar orasida aniqlangan.

Vazirlikning qo‘shimcha qilishicha, Buxoroda 8 nafar,  Jizzaxda 7 nafar, Qashqadaryoda 7 nafar, Navoiyda 2 nafar, Namanganda 2 nafar, Samarqandda 70 nafar, Sirdaryoda 9 nafar, Surxondaryoda 11 nafar, Farg‘onada 9 nafar, Xorazmda 3 nafar, Toshkent viloyatida 56 nafar, Toshkent shahrida 181 nafar bemor tuzalib, kasallikdan sog‘ayganlar jami 89 703 nafarga yetdi va sog‘ayish ko‘rsatkichi 95 foizni tashkil qilmoqda.

Shuningdek, 2 nafar koronavirusga chalingan bemor vafot etib, kasallikdan vafot etganlar soni 662 nafarni tashkil qilmoqda. Ayni paytda tibbiyot muassasalarida 3613 nafar bemor davolanyapti.

Eslatib o‘tamiz, 6 may kuni O‘zbekistonda bir kunda 421 kishida koronavirus tasdiqlangan, qurbonlar soni esa uch nafarga ko‘paygan edi.