“Afruz” guruhi 23 yillik faoliyatidan so‘ng guruh tugatilganini ma’lum qildi

O‘zbek estradasining sevimli guruhi “Afruz” 23 yillik faoliyatidan so‘ng o‘z faoliyatini tugatganini e’lon qildi.

Guruh “Durdona”, “Salima” va “Kim oladi” kabi qo‘shiqlari bilan muxlislar e’tiborini qozongan edi. Endilikda “Afruz” solisti Muzaffar yakka tartibda ishlashni va biznes sohasida o‘zini sinab ko‘rishni maqsad qilgan.

Jamshid Umarov esa estrada yo‘lidagi faoliyatini davom ettirib, “Afruz” taxallusi ostida ishlashni rejalashtirmoqda.
Shu tariqa, mashhur guruh o‘zining uzoq yillik yo‘lini yakunlab, yangi yo‘nalishlarda har bir a’zosi alohida faoliyat yuritadi.