Sardor Rahimxon va Jonibek Murodovdan intiq kutilgan premera "Do‘ston" (foto, klip)

Ikki qardosh millat o‘rtasidagi madaniy rishtalarni mustahkamlash maqsadida galdagi qadam tojik estradasining yorqin vakili Jonibek Murodov hamda O‘zbekistonda xizmat ko‘rsatgan artist Sardor Rahimxondan ijodiy tuhfa \"DO‘STON\" e’tiboringizga havola etiladi.

Yaqindagina Sardor Rahimxon do‘sti Jonibek Murodov bilan duet kuylagani haqida xabar bergan edik. Oradan hech qancha vaqt o‘tmay, bir yoqadan bosh chiqargan ikki ijodkorning ijod mahsuli - klip tayyor bo‘ldi. Mazkur \"Do‘ston\" nomli duet klipida ikki ijodkorning do‘stligi misolida qardosh ikki millatning uzoq yillik mustahkam munosabatlarini ko‘rish mumkin. Samimiyatga yo‘g‘rilgan ushbu qo‘shiq hech bir tinglovchini befarq qoldirmasligi ham shubhasiz.

Ma’lumot uchun eslatib o‘tamiz, \"Do‘ston\" qo‘shig‘ining o‘zbek tilidagi talqini Sardor Rahimxon tomonidan biroz avvalroq taqdim etilgandi. Ijodkorlar “Do‘stlarim” qo‘shig‘ini tojik tilida kuylab, har ikki mamlakatdagi musiqa shinavandalarini xushnud etishni niyat qilishgan. Bu hali hammasi emas. Muxlislarini ketma-ket yangi qo‘shiqlar bilan xushnud etishni an’anaga aylantirib ulgurgan xonanda Sardor Rahimxon \"Drug\" qo‘shig‘iga Moskva shahrida suratga olinadigan klip ishlari bilan band. Klipda bosh rolni mashxur chempion Shohjahon Ergashev ijro etyapti.



FAKT:

• Qo‘shiq she’r va musiqa muallifi: Dilshod Ahmadshoh.
  
• Aranjirovka muallifi: Jasur Abdurahmonov.