YuNESKO Bosh direktori «Sharq taronalari» haqida: «Bu madaniyat odamlarni birlashtira oladigan kuch ekanining isboti»

Samarqandda boshlangan «Sharq taronalari» xalqaro musiqa festivalida YuNESKO Bosh direktori Odri Auzel ham qatnashdi va nutq so‘zladi. Kechadan buyon Samarqandda bo‘lib turgan Auzel xonim o‘zining tvitterdagi sahifasida Samarqandning qanchalik go‘zalligi haqida post qoldirdi.

«Samarqandning go‘zalligi va ulug‘vorligi «Sharq taronalari» xalqaro festivali ochilishida ko‘rindi. Bu madaniyat odamlarni birlashtira oladigan kuch ekanining isboti. YuNESKOning insoniyatni birlashtirishdagi roli mana shunda namoyon», — deb yozdi Odri Auzel tvitterdagi sahifasida.