Sunʼiy intellekt bumu ortidan Micron kapitallashuvi ilk bor 1 trln dollarga yetdi
Micron Technology kompaniyasi oʻz tarixida ilk bor 1 trillion dollarlik bozor kapitallashuvi marrasini zabt etdi. Bu koʻrsatkichga sunʼiy intellekt (AI) infratuzilmasi bilan bogʻliq kompaniyalarga boʻlgan investorlar qiziqishining keskin ortishi fonida erishildi. Bu haqda Ixbt.com xabar beradi.
Birja savdolari davomida Micron aksiyalari qariyb 18 foizga koʻtarilib, 886,6 dollar darajasiga yetdi. Natijada xotira chiplari ishlab chiqaruvchisi kapitallashuvi trillion dollardan oshgan texnologik gigantlar qatoriga qoʻshildi.
Micron sunʼiy intellekt sanoati jadal rivojlanishining asosiy benefitsiarlaridan biri hisoblanadi. Zamonaviy AI tizimlari, maʼlumotlar markazlari va hisoblash tezlatkichlari ishlashi uchun juda katta hajmdagi yuqori tezlikka ega xotira qurilmalarini talab qiladi.
Serverlar, AI-tezlatkichlar va bulutli infratuzilmalar uchun xotira chiplariga boʻlgan talabning oʻsishi kompaniyaning moliyaviy koʻrsatkichlarini va bozorning unga boʻlgan ishonchini qoʻllab-quvvatlashda davom etmoqda.
Micron Technology — yarimoʻtkazgichlar hamda DRAM va NAND xotira chiplari ishlab chiqarish boʻyicha dunyodagi eng yirik Amerika korporatsiyalaridan biri hisoblanadi.
