Huawei yangi Wi-Fi routeri Q7 Wired Edition modelini namoyish etdi
Huawei kompaniyasi oʻzining yangi Wi-Fi routeri — Q7 Wired Edition modelini anons qildi. Mazkur qurilma 1-iyun kuni Huawei Nova 16 seriyasidagi smartfonlar bilan birgalikda rasman taqdim etilishi kutilmoqda. Bu haqda Ixbt.com xabar beradi.
Yangi mahsulot parent–child (ota-bola) tizimining bir qismi boʻlib, unda asosiy router modemga ulanadi, qoʻshimcha modullar esa tarmoq qamrovini kengaytirish uchun uyning turli nuqtalariga joylashtiriladi. Avvalgi versiyalardan farqli oʻlaroq, yangi modifikatsiya oʻrnatish qulayligini saqlab qolgan holda, simli integratsiyaga asosiy urgʻu beradi.
Hozircha kompaniya qurilmaning texnik xususiyatlarini toʻliq ochiqlamadi va faqat tizer bilan cheklandi. Maʼlumki, ushbu yangilangan Q7 versiyasi murakkab sozlamalar va qoʻshimcha simlarsiz uy tarmogʻini kengaytirishni sezilarli darajada osonlashtirishi kerak.
Huawei vakillarining taʼkidlashicha, tizim foydalanuvchidan minimal harakat talab qilgan holda butun uy boʻylab barqaror va yuqori tezlikdagi internet qamrovini taʼminlashga moʻljallangan.
