3 ноябрга ўтар кечаси Ўзбекистонда зилзила сезилди. Унинг эпицентри Афғонистоннинг шимолида жойлашган бўлиб, магнитудаси 6,8 баллни ташкил этди.
Сурхондарё вилоятида зилзила кучи энг юқори бўлиб, 5 баллгача етди. Қашқадарё вилоятида куч 3-4 баллни ташкил этди.
Самарқанд вилояти ва бошқа ҳудудларда эса 3 балл атрофида бўлди. Тошкент шаҳрида зилзила кучи 2-3 баллни ташкил этди.
Фавқулодда вазиятлар вазирлиги маълумотларига кўра, жабрланганлар ҳақида хабар келиб тушмаган. BBC ахборотига кўра, Афғонистон шимолида содир бўлган зилзила оқибатида 180 киши яраланган, Тошкент вақти билан соат 9:06 ҳолатига кўра, 8 киши ҳалок бўлгани маълум бўлган.
Толибон ҳаракати вакили Ҳажжи Заиднинг айтишича, кўп ҳолатларда яраланишлар одамларнинг бинолардан йиқилиши оқибатида юзага келган.
