Трамп Эпштейн оролига борганини кескин рад этди
АҚШ президенти Доналд Трамп Эпштейнга тегишли оролда ҳеч қачон бўлмаганини, на оролнинг ўзида, на унга яқин ҳудудларда бўлганини маълум қилди. У бу баёнотни Гремми мукофотига номзод айрим шахслар ICEнинг миграция сиёсатини танқид қилгани ва бошловчи Тревор Ноа Доналд Трамп ҳамда Билл Клинтон Эпштейн оролида вақт ўтказгани ҳақида айтганидан сўнг билдирди. Трамп Тревор Ноанинг баёнотлари юзасидан судга мурожаат қилиш ниятида эканини ҳам айтди.
АҚШ президенти Доналд Трамп Truth Social ижтимоий тармоғидаги саҳифасида Эпштейнга тегишли оролда ҳеч қачон бўлмаганини маълум қилди.
Унинг таъкидлашича, у на ушбу оролда, на унга яқин ҳудудларда бўлган.
Мазкур баёнот Грэмми мукофотига номзод бўлган айрим шахслар ICE’нинг миграция сиёсати ва фаолиятини танқид қилгани, шунингдек, тадбир бошловчиси Тревор Ноа эфирда Доналд Трамп ва Билл Клинтон Эпштейн оролида вақт ўтказгани ҳақида айтганидан сўнг пайдо бўлди.
Трамп ўз постида Билл Клинтон ҳақида аниқ бир фикр билдиришга қийналишини, бироқ шахсан ўзи Эпштейн оролида умуман бўлмаганини алоҳида урғулаган.
Шу билан бирга, АҚШ раҳбари бошловчи Тревор Ноа унинг номи тилга олинган баёнотлари учун судга мурожаат қилиш нияти борлигини ҳам маълум қилди.
Изоҳлар 0
…