Google мен ойын өндірушісі Epic Games Android платформасындағы өндірушілер үшін комиссия мәселесі бойынша келісімге келді. Бұл шешімді сот мақұлдауы керек.
Google стандартты комиссияны транзакция түріне байланысты 20% немесе 9%-ға дейін азайтуға дайын. Алайда, жаңартылған төлемдер компанияның ішкі төлем жүйесін пайдалану үшін қосымша 5% комиссияны қамтымайды.
«Егер бұл мақұлданса, сот процесімізге нүкте қояды», — дейді Google Android президенті Самир Самат. Технологиялық алпауыт, сонымен қатар, Android жүйесінде жұмыс істейтін смартфондарға үшінші тарап дүкендерін орнатуды жеңілдетеді.
Бұл бастамалар тек АҚШ-та ғана емес, басқа елдерде де қолданылады. Сонымен бірге, Epic Games компаниясы Google-дың өз төлем жүйесін қолдануды талап етуіне қарсы емес, бірақ қосымшаларда өзге төлем әдістері де болуы керек және олар арқылы арзанырақ баға қою мүмкіндігі жасалуы тиіс екенін атап көрсетуде.
Еске салайық, Epic Games 2020 жылы Google-ға қарсы сотқа арыз берген болатын. Ойын өндіруші компания Google-ды Android платформасында бәсекелестікке қайшы монополия деп айыптаған және комиссия саясатына наразылық білдірген.
