2025 жылғы 25 желтоқсанда Кристофер Нолан түсірген «Одиссея» фильмінің трейлері бір тәулік ішінде 121 миллионнан астам рет қаралды. Бұл туралы Forbes басылымы WaveMetrix компаниясына сілтеме жасап хабарлады.
Бұл көрсеткіш режиссердің алдыңғы «Оппенгеймер» фильмінің трейлері нәтижесінен екі есе жоғары. «Оппенгеймер» трейлері алғашқы 24 сағатта шамамен 50 миллион рет көрілген еді.
«Одиссея» Universal студиясы үшін жылдың ең табысты трейлері болды. Көрулердің ең үлкен үлесі TikTok платформасына тиесілі — 27%.
Сонымен қатар, YouTube, Facebook, Instagram және X платформаларында да белсенді қаралған. Фильмнің негізгі тақырыбы Гомердің «Одиссея» дастаны болып, онда Троя соғысынан кейінгі Одиссейдің сапарлары баяндалады.
Басты рөлді Мэтт Дэймон сомдаған. Сонымен қатар, фильмде Энн Хэтэуэй, Том Холланд, Зендея, Роберт Паттинсон, Лупита Нионго және Шарлиз Терон сияқты актерлер қатысқан.
Фильмнің бюджеті шамамен 250 миллион АҚШ долларын құраған. Аталған картинаның премьерасы 2026 жылғы 17 шілдеге жоспарланған.
Алайда, билеттер сатылымы релизден бір жыл бұрын басталған.
«Меҳмон» тобындағы келушілер бұл жарияланымға пікір қалдыра алмайды.
