Мемлекеттік қауіпсіздік қызметі мен Өзбекстан Кеден комитеті Ресейден ірі мөлшердегі синтетикалық есірткі заттарын алып кіруге әрекеттің алдын алды. Бұл туралы Podrobno.uz хабарлады.
Оқиға Ташкент облысындағы "Науаи" шекара кеден бекетінде орын алды. Қазақстан арқылы транзит жолмен келген Lada Largus автокөлігін тексеру кезінде құқық қорғау органдарының қызметкерлері тыйым салынған заттар жасырылған арнайы орынды анықтады.
Автокөлікті Бұхара облысының тұрғыны, 2000 жылы туған азамат басқарған. Көлік құралдарының жүк бөлімінде "ГАЗель" автокөлігінің беріліс қорабы ішіне жалпы салмағы 2,3 килограмм болатын бес орам мефедрон жасырылған екен.
Жедел іздестіру іс-шаралары барысында белгілі болғандай, жүргізуші "Өзбекстан – Ресей" бағытында жүк тасымалымен айналысып, бұл көлік қосалқы бөлігін Ташкент облысында тұратын, 2000 жылы туған азаматқа тапсыруы қажет болған. Тапсырысты қабылдау барысында күдікті қолға түсті.
Аталған оқиға бойынша екі күдіктіге қатысты Қылмыстық кодекстің 246-бабы (Контрабанда) екінші бөлігі және 273-бабы (Есірткі заттарын заңсыз дайындау, сатып алу және сақтау) бесінші бөлігі бойынша қылмыстық іс қозғалды. Екі күдікті де қамауға алынды.
«Меҳмон» тобындағы келушілер бұл жарияланымға пікір қалдыра алмайды.
