Қазақстанда жүрген немесе осы ел арқылы транзитпен өтіп жатқан Өзбекстан азаматтарына жолда барынша сақ әрі қырағы болу ұсынылды. Ташкент қалалық көлік басқармасының хабарлауынша, күрт суыту аясында боран мен көктайғақ күшейіп, жол-көлік оқиғалары көбейген. Бұл туралы kursiv.uz хабарлады.хабарлайды.
Айтылғандай, ең ауыр апаттар көбіне лицензиясы жоқ және техникалық ақауы бар көліктердің қатысуымен орын алуда. Осыған байланысты азаматтардан заңсыз такси қызметін пайдаланбау, мүмкіндігінше пойыз немесе ұшақты таңдау сұралды.
Сондай-ақ тек ресми тасымалдаушылардың қызметін пайдалану, жолға шығар алдында ауа райы болжамын және автожолдардың жағдайын тексеріп алу ұсынылды. Төтенше жағдайларда Қазақстандағы Өзбекстан елшілігіне +7 172 95-42-52 немесе Көші-қон агенттігінің өкілдігіне +7 771 730-44-00 нөмірі арқылы хабарласуға болады.
“Zamin”-ді Telegram-нан оқыңыз!
«Меҳмон» тобындағы келушілер бұл жарияланымға пікір қалдыра алмайды.
