Nestle компаниясы Өзбекстанда балалар тағамының бірқатар партияларын ерікті түрде сатылымнан кері қайтарып жатқанын мәлімдеді. 5 қаңтардан бастап дәріханалар мен дүкендерден NAN сүт қоспалары, сондай-ақ Alfaré Amino емдік тағам өнімдерінің партиялары алынып тасталуда.
Компания мәлімдемесінде бұл шешім сақтық шарасы ретінде және Nestle-дің қатаң сапа мен қауіпсіздік хаттамаларына сәйкес қабылданғаны айтылды. Компания жағдай туралы ресми органдарды хабардар еткенін және сатып алушылардың сұрақтарына жауап беруге дайын екенін жеткізді.
Тұтынушылар +998 78 120 20 55 телефон нөмірі арқылы қолдау қызметінен кеңес ала алады.
Reuters мәліметінше, ішкі тексеріс барысында үшінші тарап жеткізген ингредиенттерден цереулид токсині анықталған. Ол балаларда жүрек айну және құсу сияқты белгілерді тудыруы мүмкін. Агенттік дерегіне сәйкес, Nestle балалар қоспаларын жалпы 25 елде кері қайтарып жатыр.
“Zamin”-ді Telegram-нан оқыңыз!
