Өзбекстан ұлттық құрамасының бас бапкері Фабио Каннаваро Дубайда өтетін қараша айындағы халықаралық достық турнирге команданың құрамын жариялады. Құрамға «Манчестер Сити» қорғаушысы Абдуқодир Хусанов пен «Истанбул Башакшехир» шабуылшысы Элдор Шомуродов шақырылды.
Жарияланған кеңейтілген тізімге үш қақпашы, он қорғаушы, он екі жартылай қорғаушы және үш шабуылшы кірген. Шақырылған футболшылар арасында елдің ішкі чемпионаты өкілдерімен қатар шетелдік клубтарда өнер көрсететін негізгі ойыншылар да бар.
Өзбекстан ұлттық құрамасы Біріккен Араб Әмірліктерінде ұйымдастырылған турнирге қатысады. Бұл жарыста Иран, Египет және Кабо-Верде секілді әлем чемпионаттарында ойнаған командалар да алаңға шығады.
Еске салсақ, Элдор Шомуродов соңғы рет «Башакшехир» сапында өткізген матчта гол соққан, бірақ командасы «Генчлербирлиги» клубына жеңіліп қалған еді.
