Роналдудың голы да көмектеспеді: «Әл-Наср» алғаш рет ұпай жоғалтты

Сауд Арабиясы чемпионатының 12-туры аясында «Әл-Наср» ақыры алғаш рет ұпай жоғалтты. Криштиану Роналду бастап жүрген команда қонақта «Әл-Иттифақты» жеңе алмады. Бұл туралы euro-football.ruхабарлайды.

Ойынның 7-минутында «Әл-Наср» ойыншысы Саад Әл-Нассер қарсыласының аяғына түзу аяқпен басып кеткені үшін әуелде қызыл қағаз алды. Алайда төреші VAR қайталауларын қарап, шешімді жұмсартып, ескертумен шектелді.

16-минутта «Әл-Иттифақ» есеп ашты: Фарис әл-Гамдидің пасынан кейін айып алаңында допты қабылдаған Жоржиньо Вейналдум айналдыра тепкен соққымен алыс «тоғыздықты» дәл көздеді — 1:0.

Одан кейін «Әл-Наср» бірнеше рет жауап қайтаруға тырысты. Бұрыштан асырылған допта алаң иелерінің қақпашысы шығуда допты қолдан шығарып алды, Жоау Фелиш волей соққы жасады, бірақ қақпаға дәл тигізе алмады. Ал Сұлтан әл-Ганам Кингсли Команның пасынан кейін алыстан тепті — доп бағанаға тиіп кері қайтты.

Екінші тайм басында қонақтар таразы басын теңестірді. 47-минутта Габриэль Анжелоның айып алаңына жарып кірген пасынан кейін Фелиш қақпашыны оңай алдап өткен әдемі соққымен есепті теңестірді — 1:1.

67-минутта «Әл-Наср» алға шықты, ал гол күтпеген түрде тіркелді. Фелиш айып алаңы сызығына жақын жерден соққы жасағанда доп Роналдудың беліне тиіп бағытын өзгертіп, төменгі бұрышқа кіріп кетті — 1:2.

Алаң иелері берілмеді. Вейналдум айып алаңына нәзік пас шығарды, Мусса Дембеле қорғаушымен күресте соққы жасады, бірақ доп қақпаның сырт жағынан торға тиді.

80-минутта «Әл-Иттифақ» бәрібір өз сөзін айтты: Ради әл-Отайби допты соңғы сызық маңында қуып жетіп, артқа тастап берді, ал Вейналдум бір тиюмен алыс төменгі бұрышқа дәл соққы жасап, қақпашыны тосыннан ұстады — 2:2.

Тең нәтижеге қарамастан, «Әл-Наср» турнир кестесінде көшбасшы болып қала береді, алайда екінші орындағы командамен арадағы айырма үш ұпайға дейін қысқарды.