«Реал» сапында ойын тәжірибесі азайған бразилиялық талант Эндрик маусымның екінші бөлігін Франция чемпионатында өткізеді. 19 жастағы шабуылшы «Лион» клубына ресми түрде жалға беріліп қосылды.
«Лион» клубы Эндриктің трансферін 23 желтоқсанда ресми түрде жариялады. Бұл келісім француз футболы жанкүйерлері арасында үлкен қызығушылық тудырды. Әсіресе, жас жұлдыз алаңға шықпай тұрып-ақ клуб тарихында өзіндік із қалдырғаны назар аударарлық.
Мәселе мынада: Эндриктің «Лионға» ауысуына орай дайындалған видео клубтың әлеуметтік желілерінде нағыз жарылыс әсерін берді. Бұл видеоконтент қысқа уақыт ішінде рекордтық қаралым жинап, «Лион» парақшалары тарихындағы ең танымал жарияланымға айналды.
The Touchline дерегіне сүйенсек, 27 желтоқсан таңына қарай Эндрик қатысқан видеоролик 1,1 миллионнан астам рет қаралған. Бұл көрсеткіш клуб үшін абсолют рекорд ретінде тіркелді.
Мамандар мұндай қызығушылықты Эндриктің зор әлеуетімен, сондай-ақ «Реалдан» кейін Еуропа футболында жаңа парақ ашып жатқанымен түсіндіреді. Ал «Лион» жанкүйерлері жас шабуылшы команданың шабуыл шебіне жаңа серпін әкеледі деп күтеді.
Эндрик «Лион» сапындағы алғашқы ресми ойынын 3 қаңтарда өткізеді деп күтілуде. Сол күні лиондықтар сырт алаңда «Монакоға» қарсы ойнайды. Бұл матч жас бразилиялық үшін Еуропа сахнасында өзін көрсетуге маңызды қадам болуы мүмкін.
Қысқасы, Эндрик доп теппей тұрып-ақ «Лион» жанкүйерлерінің жүрегін жаулап алды. Енді кезек — алаңдағы сөзде.
«Меҳмон» тобындағы келушілер бұл жарияланымға пікір қалдыра алмайды.
