Бәсекелестікті дамыту және тұтынушылардың құқықтарын қорғау комитетінің баспасөз қызметі ақпараттық хабарлама жариялады. Комитет өз өкілеттілігі аясында тұтынушылардың құқықтарын қорғауды және «Жарнама туралы» заң талаптарының орындалуын қадағалайды.
Осы мақсатта азық-түлік өнімдері, дәрі-дәрмектер және биологиялық белсенді қоспаларға (ББҚ) тұрақты бақылау сатып алулары жүргізіледі. Бақылау сатып алуларының жылдық нәтижелері төмендегідей: 2023 жылы 397 бақылау сатып алу өткізіліп, оның 24-і сапасыз деп танылған; 2024 жылы 560 сатып алу жүзеге асырылып, 95-інде талаптардың бұзылғаны анықталған; 2025 жылы 618 сатып алудан 123-інің белгіленген талаптарға сәйкес еместігі тіркелген.
Сонымен қатар бүгінгі күнге дейін комитетке азық-түлік өнімдері, дәрі-дәрмектер және биологиялық белсенді қоспалар бойынша 2 345 өтініш келіп түскен. Оның ішінде 337-і (14 пайызы) нақ биологиялық белсенді немесе азық-түлік қоспаларына қатысты.
Көптеген өтініштер тұрғындардың теледидар, радио және әлеуметтік желілердегі жарнамаға сеніп, биологиялық белсенді қоспалар сатып алғандары және олардың күткен нәтижені бермегендігі немесе денсаулыққа теріс әсер еткендігімен байланысты. Ескерту: Биологиялық белсенді қоспалар дәрі-дәрмек болып саналмайды және ауруларды емдеуге арналмаған.
Олар ағзаның қызметтерін қолдау немесе белгілі бір аурулардың алдын-алу үшін профилактика ретінде қолданылады. Сондықтан кез келген қоспаны қабылдамас бұрын дәрігермен кеңесу маңызды.
Комитет Өзбекстан халқының назарын төмендегілерге аудартты: Жарнамада биологиялық белсенді қоспаларды дәрі ретінде көрсетілуіне сенбеңіз; «Бір айда барлық ауруларды емдеп жазады» секілді жалған уәделер алдамшы жарнама болып табылады; Тек Денсаулық сақтау министрлігі арқылы тіркелген және ресми сертификатқа ие өнімдерді пайдаланыңыз.
