Өзбекстанда балалар жәрдемақысының мөлшері үнемі өсіп отырады

2026 жылдан бастап Өзбекстанда балалар жәрдемақысының мөлшері инфляция деңгейінде үнемі қайта қаралып, ұлғайтылады. Бұл туралы Экономика және қаржы министрлігі ресми ақпарат берді.

Мәлім етілгендей, балалар жәрдемақысы соңғы 3,5 жылда өзгермеген, тек 2025 жылдың июль айында 10 пайызға көтерілген. Енді жәрдемақы сомасы инфляциядан кем емес мөлшерде индекстеледі.

Министрлік өкілінің айтуынша, әлеуметтік көмек жүйесінің цифрландырылуының арқасында қаржы шынымен де мұқтаж отбасыларға нақты және атаулы түрде төленуде. Осылайша, жәрдемақыны көбейтуге мүмкіндік туды.