Жаңа Ташкент жобасы көлемі жағынан әлемнің ірі қалаларымен теңеседі. Бұл туралы құрылыс индустриясына арналған халықаралық конференцияда Business Consulting Group компаниясының директоры Павел Золотарёв мәлімдеді. Оның айтуынша, Жаңа Ташкенттің жалпы ауданы Нью-Йорктегі Манхэттен немесе екі Париж қаласымен тең болады.
Золотарёв сондай-ақ Орталық Азия аймағында Жаңа Ташкент сияқты тағы 8 жаңа қала салу жоспарланғанын атап өтті. Олардың құрылысы 10-20 жылда аяқталады.
Жаңа Ташкентте әлемдегі ең биік субұрқақтардың бірі салынады деп жоспарлануда. 232 метр биіктіктегі бұл субұрқақ осы жылдың август айында іске қосылады.
Қала құрылысы қарқынды жүріп жатыр және алғашқы тұрғындар тобы 2026 жылдың желтоқсанында жаңа қалаға қоныс аударуы мүмкін. Алғашқы кезеңде қиын өмірлік жағдайға тап болғандар мен мемлекеттік мекемелерде жұмыс істейтіндер орналастырылады, дейді "Жаңа Ташкент" дирекциясының өкілі Азизбек Омонов.
“Zamin”-ді Telegram-нан оқыңыз!
