Өзбекстандықтардың қай елдерге көп баратыны анықталды

2026 жылдың январь айында 589 647 Өзбекстан азаматы туристік мақсатта шетелге сапар шеккен. Бұл туралы Ұлттық статистика комитеті хабарлады.

Көрсеткіш өткен жылдың сәйкес кезеңімен салыстырғанда 38,2 мың адамға немесе 6,9 пайызға өскені атап өтілді. Мамандар бұл өсімді халықаралық сапарларға деген қызығушылықтың артуымен түсіндіреді.

Мәліметтерге қарағанда, ең көп сапарлар Қырғызстанға жасалған - 232 174 адам. Сондай-ақ Тәжікстанға 98 659 және Қазақстанға 88 012 азамат барған.

Сауд Арабиясына 62 655 өзбекстандық, ал Ресейге 32 291 өзбекстандық барған. Бұл елдер қаңтар айындағы ең танымал бағыттар болды.

Сонымен қатар, Түркияға 17 288 адам, БАӘ-ге 16 030 азамат кеткен. Таиландқа 6 890 адам, Қытайға 6 117 адам және Мысырға 4 585 адам барған.