Audi ўзининг янги флагман кроссовери – Audi Қ9 моделини расман эълон қилди
Audi компанияси ўзининг энг йирик флагман кроссовери бўлган Audi Қ9 моделини тақдим этишга тайёргарлик кўрмоқда. Янги автомобил 6 ёки 7 ўринли салон вариантларида ишлаб чиқарилади ва ППК платформаси негизида барпо этилади. Компания вакилларининг таъкидлашича, ушбу модел "нафосат ва кенглик" уйғунлигини ўзида мужассам этади. Бу ҳақда Ixbt.com хабар беради.
Автомобил интерерининг энг диққатга сазовор жиҳати – олд панелга ўрнатилган учта йирик экран. Шунингдек, анъанавий узатмалар қутиси дастаги ўрнига қулай бошқарув селектори ўрнатилган. Салон безагида жун, микрофибра ва юқори сифатли наппа териси каби материаллардан фойдаланилган. Банг & Олуфсен аудио тизими эса 4Д-товуш эффектини яратувчи вибрация модуллари билан бойитилган.
Audi Қ9 барча эшикларида электр юритма билан жиҳозланади, уларни калит, смартфон ёки медиа тизим орқали бошқариш имконияти мавжуд. Олти ўринли версияда иккинчи қатор ўриндиқлари иситиш ва вентиляция функцияларига эга бўлиб, учинчи қатор ўриндиқлари электр юритма ёрдамида йиғилади. Шунингдек, 1,5 квадрат метр майдонни эгаллаган панорамали том ҳам кўзда тутилган.
Техник жиҳатдан автомобил В6 ва В8 двигателлари ҳамда гибрид тизим билан тақдим этилиши кутилмоқда. Барча двигателлар 8-поғонали автомат узатмалар қутиси билан ҳамкорликда ишлайди. Келажакда стандарт версиядан ташқари, спортбоп СҚ9 ва ҳашаматли Ҳорч Эдитион модификациялари ҳам бозорга чиқарилиши режалаштирилган. Сотувлар 2027-йилда бошланиши кутилмоқда.
