Усома бин Ладенни топишда ёрдам берган шифокор қамоқдан қочишга уринди

АҚШ махсус хизматларига террорчи Усома бин Ладенни ўлдиришда ёрдам берган шифокор Шокил Афридий Покистоннинг Пешовар шаҳрида жойлашган қамоқхонадан бошқа ерга кўчирилди. Бу ҳақда «РИА Новости» хабарига таяниб Дарё маълум қилмоқда.

Айтилишича, собиқ шифокор қамоқдан қочишга ҳаракат қилган.

АҚШ президенти Дональд Трамп унинг озод қилинишига эришишга ваъда берган эди.

2011 йили Афридий сохта ном билан бин Ладен яширинган уйга кириб, вакцинация баҳонасида уйдаги одамларнинг ДНК намуналарини олган. Шу тариқа уйда «биринчи рақамли террорчи» яширингани тасдиқланган.