Хитойлик олимлар COVID-19 вакцинаси синовдан ўтганини эълон қилишди

PiCoVacc вакцинаси маймунлар, сичқонлар ва каламушларда муваффақиятли синовдан ўтказилди.
Натижалар синов ўтказилган жониворларда вирусга қарши антителалар пайдо бўлгани ва у зарарсизлантирилганлигини кўрсатган.

Олимлар, шунингдек, барча ҳайвонлар эмлаш жараёнини оғриқсиз ва асоратсиз ўтказишганини маълум қилишди.
Вакциналарни ишлаб чиқариш учун Хитой, Италия, Испания ва Англиядаги беморлардан олинган ўпка суюқлиги намуналари ишлатилганлиги айтилмоқда.