Қорақалпоғистондаги ўтов Гиннеснинг рекордлар китобига кирди

^{Фото: Uzbektourism}
Туризм қўмитаси хабарига кўра, “Оқ қуш” мажмуасида барпо этилган дунёдаги энг катта диаметрли қорақалпоқ халқининг миллий қора уйи (ўтов) Гиннеснинг рекордлар китобидан жой олди. Мазкур ўтовнинг диаметри 40,5 метрдан иборат.

22 август куни ушбу мажмуада Гиннес рекордлар китоби сертификатининг тантанали топшириш маросими ўтказилди.

Тадбирда президент маслаҳатчиси Турсинхон Худайбергенов, Қорақалпоғистон Республикаси Жўқорғи Кенгеси раиси Аманбай Оринбаев, давлат идоралари раҳбарлари, маҳаллий ёшлар ҳамда ОАВ вакиллари иштирок этди.