Метрода аёлга нисбатан тегажоғлик қилган эркак 5 суткага қамалди

6 март куни “Пахтакор” ва “Новза” бекатлари оралиғидаги метро йўналишида 27 ёшли наманганлик эркак вагонда аёлга бир неча маротаба тегиб, уни асабийлаштирган.

Суд жараёнида у айбини қисман тан олиб, бу ҳаракатини вагондаги йўловчилар кўплиги билан асослаб, қилаётган ишидан пушаймон эканини маълум қилган.

Чилонзор туман жиноят ишлари суди ушбу шахсни айбдор деб топиб, унга 5 сутка маъмурий қамоқ жазосини тайинлади.

Мазкур воқеа метродаги хавфсизлик ва жамоат тартибига эътибор қаратилган ҳолда аҳамиятли сабоқ сифатида баҳоланмоқда.