Тошкент бозорларида биринчи қулупнай сотувга чиқарилди

Имкониятлар замонида яшар эканмиз, қиш ойларида ҳам кўнглимиз тусаган мевани топиш аввалги вақтлардагидек муаммо эмас. Бироз маблағ бўлса, бас.

Шундай бўлса-да, барчамиз иссиқ кунларда табиий етиладиган меваларнинг сотувга чиқишини интизорлик билан кутамиз. Чунки улар иссиқхонада ўстириладиган неъматлардан фарқ қилади-да.

Ҳамма севиб истеъмол қилувчи қулупнай Тошкент бозорларида сотувга чиқарилди. Qalampir.uz сайтининг ёзишича, бир килограмм қулупнайнинг нархи 15 мингдан 120 минг сўмгача деб баҳоланмоқда. Бу унинг сифати ва ўлчамига боғлиқ.