"Ўзбекистон почтаси" бўлимларида UzPaynet хизмати жорий этилади

\"Ўзбекистон почтаси\" АЖ ҳамдa UzPaynet МЧЖ ўртасида Бош келишув имзоланди. Келишувга кўра, почта алоқаси объектлари орқали жисмоний шахслардан UzPaynet дастурий-аппарат комплексида мавжуд бўлган барча хизматлар учун тўловлар қабул қилинади.

Ҳозирда ушбу тизимни \"Ўзбекистон почтаси\"нинг барча компьютерлаштирилган алоқа бўлимларида жорий этиш бўйича ишлар олиб борилмоқда.

“Ўзбекистон почтаси” АЖ маълум қилишича, мазкур келишув АЖ томонидан тақдим этилаётган шартномавий хизмат турларини кенгайтириш орқали даромадни ошириш мақсадида имзоланган.

Манба: Uz24.uz