Ўзбекистонда 2019 йилда кийим-кечак, мебель ва маиший техника учун импорт божлари салмоқли даражада ошди

Ўзбекистонда 443 турдаги маҳсулотнинг импорт божхона божлари ўртача 5—30 фоизга ошди. Бу ҳақда Norma хабар бермоқда.
Ўзгаришлар озиқ-овқат маҳсулотлари, кийим-кечак ва техника маҳсулотларини қамраб олди.

Жумладан, озиқ-овқат маҳсулотлари орасида кичик — 5 фоизли ставка қуюлтирилган сут, қаймоқ, қовурилмаган қаҳва ва палма ёғига нисбатан жорий этилди. Деярли барча кийим-кечак учун бож икки баравар (10 дан 20 фоизгача) ошди. Божнинг фоизларда ҳисобланган қиймати пасайиши мумкин бўлмаган бўлмаган минимум ҳам белгиланди — донаси учун 0,2 дан 4 долларгача.

Пойабзал учун ставкалар ҳам икки баравар ( 5 дан 10 фоизгача) кўтарилди. Бу ерда ҳам минимал қиймат белгиланди — донаси учун 1,5 доллар.
Тухум ва сақич учун 30 фоиз миқдорида бож тўлашга тўғри келади. Идиш-товоқ, мебель, офис учун товарлар, маиший техника, автомобиль эҳтиёт қисмлари учун ҳам божлар салмоқли равишда кўтарилган.

Ипорт божларининг пасайиши атиги 8 турдаги товарни ўз ичига олади. Улар орасида тракторлар, йигирилган ип, матоларнинг айрим турлари бор.