Тошкентда 2 та автобус тўқнашди ва улардан бири 2 нафар пиёдани босиб кетди

Тошкент шаҳридаги «Чинни бозор» яқинида иккита йўловчи автобуси тўқнашиб кетди. Бу ҳақда Kun.uz нашри Тошкент шаҳар ИИББдаги манбасига таяниб хабар бермоқда.

Қайд этилишича, 147-сонли йўналишдаги «Мерседес-Бенц» автобуси ҳамда 31-сонли йўналишдаги «Исузу» автобуси ўзаро йўл-транспорт ҳодисаси қайд этган.

Шундан сўнг, «Мерседес-Бенц» автобуси икки нафар пиёдани босиб кетган. Манба хабарига кўра, икки нафар пиёда - қиз ва аёл воқеа жойида ҳалок бўлган. Ҳозирда ушбу хабар юзасидан қўшимча тафсилотлар аниқлаштирилмоқда.