Сергелида Lacetti ҳайдовчиси 27 ёшли аёлни уриб юборди (видео)

Сергели туманида 1 ноябрь, жума куни Lacetti иштирокида юз берган йўл-транспорт ҳодисаси оқибатида пиёда жароҳатланди. Бу ҳақда Тошкент шаҳар ИИББ матбуот хизмати хабар берди.

Ушбу ҳодиса тахминан соат 11:00 да Сергели туманидаги Тошкент халқа автомобиль йўлида содир бўлган. Lacetti русумли автомобиль ҳайдовчиси 42 ёшли Дилшод Х. пиёдани уриб юборган. ЙТҲ натижасида 27 ёшли Салтанат С. тан жароҳати олиб, тиббий ёрдам учун мурожаат қилган.

ЙТҲ сабаби аниқлаштирилмоқда. Ҳозирда терговолди текшируви ўтказилмоқда.