Йирик миқдордаги товар-моддий бойликларининг ноқонуний айланмасига чек қўйилди

Мўмай даромад ортидан қувиш инсонни жиноят кўчасига етаклайди. Шу ўринда ҳар қандай қонунбузарлик учун жазо муқаррарлигини англаб етиш муҳим аҳамиятга эга.

Тошкент вилояти божхона бошкармаси “С.Нажимов” чегара божхона постига қўшни мамлакатдан кириб келаётган фуқаро О.Ш. бошқарувидаги “MAN” русумли юк автотранспорт воситаси белгиланган тартибда инспекцион кўрик воситаси ёрдамида кўздан кечирилди.

Натижада, автомашина юкхонасида юк кузатув ҳужжатларида кўрсатилмаган, жами 646,5 миллион сўмлик 31 турдаги товар-моддий бойликлари борлиги аниқланди.
Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.