Йил бошидан буён 10 мингга яқин ўзбекистонлик ишлаш учун хорижга чиқиб кетди

^{Фото: РИА Новости}
Фото:2021 йил бошидан буён Ўзбекистондан 10 мингга яқин меҳнат мигранти хорижда ишлаш учун чиқиб кетди. Бу ҳақда Ташқи меҳнат миграцияси агентлиги хабар бермоқда.

Маълум қилинишича, агентлик томонидан 9 465 нафар фуқаро хорижий давлатларда ишга жойлаштирилди. Шундан:
- 8034 нафари Россия Федерациясига;
- 1285 нафари Қозоғистон Республикасига;
- 143 нафари Жанубий Кореяга (меҳнат шартномаларини қайта тиклаш ҳисобига);
- 3 нафари БААга йўл олди.
Ташқи меҳнат бозоридаги 220та салоҳиятли иш берувчилар ва рекрутинг агентликлари билан музокаралар ўтказилиб, улардаги 64 минг 954та бўш иш ўринлари аниқланди.

Ўзбекистондаги касб-ҳунар марказларида 13 минг 427 нафар фуқаро ўқишга жалб қилинди, дейилади маълумотда.