18:34 / 18.07.2021

Паркентда тормози ишдан чиққан Howo юк машинаси 7 та автомобиль билан тўқнашди

^{Фото: ЙҲХББ матбуот хизмати}
Тошкент вилоятининг Паркент туманида 8 та автомобиль иштирокида ЙТҲ содир бўлди. Бу ҳақда ЙҲХББ матбуот хизмати хабар берди.

Маълум қилинишича, воқеа 17 июль куни соат 15:00 ларда Паркент—Кумушкон йўлида юз берган. 1990 йилда туғилган М.А. Howo юк машинасида ҳаракатланиб кетаётган вақтда тормоз тизими ишдан чиқиб, бошқарувни йўқотган ва 7 та: «ГАЗ-24», 2 та Spark, Nexia, Lacetti, «Газель» ва «ВАЗ-2106» («Жигули» ) автомобиллари билан тўқнашган.

Вилоят ИИБ матбуот хизмати хабарида қайд этилишича, ЙТҲ оқибатида «Жигули» ҳайдовчиси ва унинг 3 нафар йўловчиси турли тан жароҳатлари олиб, туман тиббиёт бирлашмасига мурожаат қилган ва уларга биринчи тиббий ёрдам кўрсатилган. Ҳозирда уларга уйларига жавоб берилган.
$\"\"$
^{Фото: ЙҲХББ матбуот хизмати}
$\"\"$
^{Фото: ЙҲХББ матбуот хизмати}
$\"\"$
^{Фото: ЙҲХББ матбуот хизмати}
Мазкур ЙТҲ юзасидан Паркент тумани ИИБ ҳузуридаги ТБ томонидан суриштирув ҳаракатлари олиб борилмоқда.

"Zamin"ни Telegram'да ўқинг!

Shuhrat Razzakov

«ZAMIN.UZ» муҳаррири