Хонанда Насафий қиз фарзандли бўлганини эълон қилди!

Ўзининг қўшиқлари билан мухлислар қалбидан жой олган хонанда Насафий ҳаётидаги қувончли янгиликни эълон қилди. Санъаткор ижтимоий тармоқлардаги саҳифасига жойлаган видеоларида қизлик бўлганини маълум қилди.

“Қизлик бўлдим, Алҳамдулиллаҳ”, — дея изоҳ қолдирган хонанда.

Ушбу хабар қисқа вақт ичида мухлислар эътиборини тортди. Изоҳларда санъаткорни самимий табриклаётганлар, чақалоққа соғлик, бахт ва узоқ умр тилаётганлар кўпаймоқда.

Мухлислар Насафийнинг оиласига тинчлик, фарзандига эса бахтли келажак тилаб, илиқ фикрлар билдиришмоқда. Хонанданинг бу қувончи унинг мухлислари учун ҳам ёқимли янгилик бўлди.