Муниса Ризаева туғруқ учун нега айнан Аргентинани танлаганини очиқлади
Хонанда Муниса Ризаева фарзандини нега Аргентинада дунёга келтиргани ҳақидаги саволларга жавоб берди. Интервьюларидан бирида санъаткор ушбу қарор ортида турмуш ўртоғининг тавсияси ва шифокорларга бўлган ишонч турганини айтди.
Муниса Ризаеванинг сўзларига кўра, у ҳомиладор бўлган пайтда 38 ёшда эди ва ҳар бир қарорни жиддий ўйлаб қабул қилган. Хонанда турмуш ўртоғи унга Аргентинадаги кучли тиббиёт тизими ва тажрибали профессорлар ҳақида гапириб берганини айтиб ўтди.
“Ҳўжайиним “Мунис, Аргентина туғруқ бўйича нўмер-1, жуда зўр шифокорим бор, кўп танишларимиз ўша ерда операция бўлишган ва туғишган” дедилар. Мен ҳам у кишининг гапларини эътиборсиз қолдирмадим”, — деди хонанда.
Муниса Ризаева Аргентинадаги туғруқ жараёни жуда енгил ўтганини ҳам таъкидлади. Унинг айтишича, операциядан икки соат ўтиб ўзини яхши ҳис қилган ва палатада бемалол юрган.
