Туркия Суперлигаси. "Ризеспор" ўз майдонида мағлубиятга учради, Алиқуловдан автогол

Туркия Суперлигаси 28-тур доирасидаги \"Ризеспор\" — \"Бодрумспор\" ўйини бўлиб ўтди.

Мезбонлар ҳимоячиси Ҳусниддин Алиқулов ўйинни асосий таркибда бошлади. Афсуски, ҳамюртимиз ўйиннинг 22-дақиқасида ўз дарвозасини ишғол қилиб қўйди. Ўйиннинг 40-дақиқасида Самет Акайдин иккинчи сариқ карточкасини олиб, мезбонларни қийин ҳолатда қолдирди. Ҳусниддин Алиқулов 45+3 дақиқада жароҳат олгани сабабли алмаштирилди.

Ушбу баҳс якунида \"Ризеспор\" ўз майдонида 0:2 ҳисобида мағлубиятга учради.