Диогу Жота 2025 йилнинг энг яхши футболчиси деб топилди

Жорий йилнинг сешанба куни \"ПСЖ\" клуби вингери Дезире Дуэ \"Golden Boy\" мукофотини қўлга киритиб, йилнинг энг яхши ёш футболчиси унвонига эга бўлди. Tuttosport нашри томонидан йилнинг энг яхши футболчиси унвони эса марҳум Диогу Жотага берилди.

Португалиялик футболчи 2025 йил июл ойида ўз акаси билан бирга йўл-транспорт ҳодисасида ҳалок бўлган эди. Диогу Жота ўтган мавсумда \"Ливерпуль\" клубини Англия чемпионига айлантиришга катта ҳисса қўшди.

Шунингдек, Португалия миллий терма жамоаси сафида Миллатлар Лигаси кубогини қўлга киритди. Марҳум Жотанинг ёши атиги 28 да эди.

Фожиа сабаб \"Ливерпуль\" клуби унинг 20-рақамини абадийлаштирди ва футболчининг оиласига шартнома бўйича барча молиявий мажбуриятларни тўлиқ тўлаб берди.