Жиру мағлубиятдан кейин трибуналар томонидан ҳуштакбозликка учради
Француз ҳужумчиси Оливье Жиру учун сўнгги учрашув оғир кечди: унинг «Лилл» жамоаси «Страсбург»га 1:4 ҳисобида имкониятни бой берди. Бу ҳақда euro-football.ru хабар беради.
Ўйин тугагач, ҳужумчи трибунадан келган ҳуштакларни эшитишга мажбур бўлди — мухлислар «доглар»нинг омадсиз натижасидан норози эканини шу тариқа билдирди. Жиру эса сукут сақламади ва жамоани бирлашишга чақирди.
«Ҳамма бирлашиши керак — клуб раҳбарияти, футболчилар ва мухлислар. Фақат биргаликда, елкама-елка бўлсак, бу қийин палладан ўта оламиз», — дея Жирунинг сўзларини derbyderbyderby.it келтиради.
Эслатиб ўтамиз, француз футболчи аввалроқ Лондоннинг «Арсенал»и ва Италиянинг «Милан»ида ҳам тўп сурган. Ҳозирда «Лилл» Франция чемпионати турнир жадвалида бешинчи ўринда бормоқда.
