«Бока Хуниорс» спорт директори лавозимига Марсело Делгадо тайинланди

Аргентинанинг «Бока Хуниорс» клуби спорт директори сифатида янги номни эълон қилди — бу лавозимни Марсело Делгадо эгаллади. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.

Жамоа таркибини тезкор кучайтириш зарурати бор ва энди Делгадо ҳамда Рикелме дуэти айнан шу йўналишда фаол ҳаракат қилиши кутилмоқда.

Делгадо футболчилик фаолиятида ҳам катта тажриба орттирган: у 1995–2002 йилларда Аргентина терма жамоаси сафида 18 та учрашув ўтказган, жумладан 1998 йилги жаҳон чемпионатида ҳам иштирок этган.

Шунингдек, 2003 йилда у Либертадорес кубоги тўпурари бўлган — «Сантос» ҳужумчиси Рикардо Оливейра билан бирга мусобақада энг кўп гол урган футболчилар қаторидан жой олган.