ОКМК очко йўқотди: Қосимов ўйиндан сўнг ўз фикрларини билдирди
Ўзбекистон Суперлигасининг 6-туридан ўрин олган ОКМК ҳамда «Сурхон» ўйини 1:1 ҳисобида якунланди. Меҳмонлар охиригача курашиб, тартибли ва жамоавий ўйин кўрсатишди. Ушбу баҳсда охирги дақиқадаги гол орқали мезбонлар очколарни бой берди.
Ўйиндан сўнг ОКМК бош мураббийи Миржалол Қосимов ўз фикрларини билдириб, вазиятни таҳлил қилди: «Яна шу ҳолат такрорланди — иккинчи бор ўйин охирида гол ўтказиб, очко йўқотдик. «Сурхон» ҳақиқатан ҳам курашувчан ва интизомли рақиб эканини яна бир бор исботлади. Энг ачинарлиси, деярли хавфсиз вазиятдан гол ўтказдик. Биз эса қулай имкониятдан фойдалана олмадик: футболчимиз зарба бериш ўрнига тўпни ортиқча сақлаб қолди, кейин оддий вазиятда рақибга жарима зарбаси бердик ва жазоландик».
Қосимовнинг таъкидлашича, тўхтаб қолишга ҳаққи йўқ ва жамоа олдинга ҳаракат қилади. Ҳар бир ўйиндаги эпизод ҳал қилувчи аҳамиятга эга ва хатоларни бартараф этиш учун жиддий иш олиб борилади.
«Энди тўхтаб қолишга ҳаққимиз йўқ. Олдинга қараб ҳаракат қилишда давом этамиз. Ҳозирги ўйинлар жуда кескин ва ҳар бир эпизод ҳал қилувчи аҳамиятга эга. Албатта, йўл қўйилган хатолар устида жиддий ишлаймиз», — дея Қосимов.
Бу баҳс нафақат очколар тақсимоти, балки жамоанинг тартиб ва интизоми учун ҳам муҳим ўйин бўлди. Мухлислар эса келгуси турларда ОКМКнинг йўл қўйилган хатолардан хулоса чиқариб, кучлироқ ва ақллироқ ўйин намойиш этишини кутишмоқда.
