А Серия. Роналдусиз «Ювентус» ўз майдонида мусобақа дебютантига ютқазди

Футбол бўйича Италия А Сериясининг 2-туридан ўрин олган ўйинда «Ювентус» 28 август, шанба куни «Эмполи» билан баҳс юритди.

Туринда кечган ўйин кутилмаганда меҳмонларнинг ғалабаси билан якунланди. Леонардо Манкузонинг 21-дақиқадаги голи якунда беллашув тақдирини ҳал қилиб берди.

Шу тариқа «Ювентус» Криштиану Роналду жамоадан кетгандан кейинги илк учрашувда мағлубиятга учради. Жамоа 2-турдан кейин 1 очко билан 14-ўринда бормоқда.

«Ювентус» – «Эмполи» 0:1
Гол: 0:1 – 21 Манкузо.
«Ювентус» – Шченсни, Бонуччи, де Лигт, Алекс Сандро, Данило, Рабьо (Бернардески, 55), Бентанкур (Локателли, 66), Маккенни (Мората, 46), Куадрадо (Де Шильо, 82), Дибала, Кеза (Кулусевски, 66).
«Эмполи» – Викарио, Стоянович, Луперто, Исмайли, Маркицса, Хаас, Бандинелли (Журковски, 80), Байрами (Штулац, 70), Риччи, Манкузо (Пинамонти, 73), Кутроне (Ҳендерсон, 80).