Футзал. Гуруҳимиздаги Россия терма жамоаси мусобақани тарк этди

Футзал бўйича Жаҳон чемпионати чорак финал босқичидан ўрин олган Россия ҳамда Аргентина терма жамоалари ўртасидаги беллашув якунига етди.

Аргентина сафида Куззолино учрашувнинг 25-дақиқасила гол урган бўлса, руслардан Антошкин ўйин тугашига 5 дақиқа қолганда рақиб дарвозасини ишғол этиб, ҳисобни 1:1 кўринишига келтириб қўйди. Ушбу натижа ўйин якунига қадар ўзгармади. \"Футбол лотереяси\"да Жанубий америкаликлар 5:4 ҳисобида ғалаба қозонди ва кейинги босқичга йўл олди.

Маълумот ўрнида, ярим финалнинг илк баҳсида мухлислар Бразилия - Аргентина ўйини гувоҳи бўлади.