Toyota RAV4 пикап кўринишида ишлаб чиқарилиши мумкин

Компакт пикаплар сегменти, хусусан Ford Маверикк модели муваффақиятидан сўнг, Toyota компанияси ҳам ушбу йўналишда янги лойиҳани кўриб чиқмоқда. Toyota'нинг Шимолий Америка бўлинмаси раҳбарияти РАВ4 базасида яратиладиган пикап истиқболли лойиҳа эканлигини ва дилерлар ушбу моделни кутаётганини маълум қилди. Бу ҳақда Ixbt.com хабар беради.

АҚШ бозорида Ford Маверикк савдо кўрсаткичлари бўйича катта муваффақиятга эришди ва бир йил ичида 155 мингдан ортиқ нусхада сотилди. Шу билан бирга, Hyundai Санта Круз каби рақобатчилар худди шундай натижани қайд эта олмаяпти ва ҳатто бозорни муддатидан олдин тарк этишга тайёргарлик кўрмоқда.

Агар Toyota ушбу лойиҳани амалга оширса, янги пикап РАВ4 моделидаги гибрид двигателлар билан жиҳозланиши кутилмоқда. Ҳозирги кунда РАВ4'нинг базавий гибрид тизими 236 от кучига эга, плагин-гибрид версияси эса 324 от кучини тақдим этади ва электр энергиясида 84 километргача масофани босиб ўта олади.

Ушбу техник кўрсаткичлар бўлажак пикапни Ford Мавериккдан ҳам кучлироқ, ҳам тежамкорроқ қилиши мумкин. Бироқ, Toyota вакиллари лойиҳани ишлаб чиқиш учун вақт талаб этилишини таъкидлаб, моделнинг аниқ тақдимот санасини ҳозирча очиқламади.