Nokia 6: Афсонавий бренднинг ёнғоқчақарлари яна қайтмоқда (видео)

Хитой ижтимоий тармоқларида янги Nokia 6 смартфонининг чидамлилиги акс этилган роликлар намойиш этилмоқда, деб ёзади «Дарё».
Видеолардан бирида смартфон ёрдамида ёнғоқ чақилганлигини кўриш мумкин.

Иккинчи роликда смартфон бир неча марта полга ва деворга улоқтирилади.

Янги смартфон 19 январдан сотувга чиқди. Қурилма Хитой бозори учун чиқарилди ва уни «JD.com» сайтидан 245 долларга харид қилиш мумкин. Смартфон сотуви бошланишидан икки кун аввал Nokia 6 га олдиндан буюртма берганлар сони миллионга етди.

Янги қурилма 1920 х 1080 пикселли 5,5 дюйм диагоналли экранга эга бўлиб, у Corning Gorilla Glass 3 билан қопланган. Бундан ташқари Nokia 6 смартфони саккиз ядроли Qualcomm Snapdragon 430 процессори, 4 Гб тезкор ва 64 Гб ички хотирага эга.