СандбохАҚ ўзининг дори воситаларини яратиш моделларини Claude платформасига олиб келди
Дори воситаларини кашф этиш замонавий саноатдаги энг қиммат ва мураккаб жараёнлардан бири ҳисобланади. Янги молекулани топиш ўн йиллаб вақт ва миллиардлаб маблағ талаб қилиши мумкин, бироқ кўп ҳолларда бу уринишлар самарасиз якунланади. Сунъий интеллект соҳасидаги стартаплар бу муаммони ҳал қилишга вада берган бўлса-да, аксарият воситалар фақат юқори техник билимга эга мутахассислар учун мўлжалланган эди. Бу ҳақда Techcrunch.com хабар беради.
СандбохАҚ компанияси бу жараённи соддалаштириш мақсадида Anthropic билан ҳамкорлик қилди. Эндиликда компаниянинг илмий сунъий интеллект моделлари тўғридан-тўғри Claude платформасига интеграция қилинди. Бу эса тадқиқотчиларга мураккаб ҳисоблаш инфратузилмасисиз, оддий суҳбат интерфейси орқали дори воситалари ва материалшунослик бўйича илғор воситалардан фойдаланиш имконини беради.
Алпҳабет таркибидан ажралиб чиққан ва Google собиқ бош директори Эрик Шмидт раислик қиладиган СандбохАҚ ўзининг «физика қонунларига асосланган» (ЛҚМс) моделлари билан ажралиб туради. Ушбу моделлар матнли нақшларга эмас, балки реал дунё қонуниятларига таянади. Улар квант кимёси ҳисоб-китобларини амалга ошириб, молекуляр динамика ва кимёвий реакцияларни лаборатория синовларигача моделлаштира олади.
СандбохАҚ компаниясининг AI симуляцияси бўйича бош менежери Надиа Харҳеннинг таъкидлашича, бу биринчи марта илғор миқдорий моделнинг LLM (катта тил модели) билан бирлашувидир. Илгари фойдаланувчилар ушбу моделларни ишга тушириш учун ўзларининг рақамли инфратузилмасига эга бўлишлари шарт эди. Энди эса фармацевтика ва саноат компаниялари тадқиқотчилари табиий тил ёрдамида ўз илмий муаммоларига ечим топишлари мумкин.
