Андреж Карпатҳй Anthropic жамоасига қўшилди
Сунъий интеллект соҳасидаги таниқли тадқиқотчи ва OpenAI асосчиларидан бири Андреж Карпатҳй Anthropic компаниясига ишга ўтди. У бу ҳақда ўзининг Х ижтимоий тармоғидаги саҳифасида маълум қилиб, LLM (катта тил моделлари) ривожланишининг келгуси йиллари жуда муҳим босқич бўлишини таъкидлади. Бу ҳақда Techcrunch.com хабар беради.
Карпатҳй Anthropic компаниясида Никк Хосепҳ бошчилигидаги пре-траининг (дастлабки тайёргарлик) жамоасида иш бошлади. Унинг вазифаси Claude моделларини яратиш жараёнини тезлаштириш учун сунъий интеллект имкониятларидан фойдаланадиган янги гуруҳни шакллантиришдан иборат. Бу босқич моделнинг асосий билим ва қобилиятларини шакллантирувчи энг қиммат ва ресурс талаб қиладиган жараён ҳисобланади.
Мутахассис аввалроқ Tesla компаниясида Фулл Сельф-Дривинг (ФСД) ва Аутопилот дастурларига раҳбарлик қилган, шунингдек, OpenAI компаниясида чуқур ўрганиш ва компьютер кўриш технологиялари устида ишлаган. 2024-йилда у таълим соҳасига йўналтирилган Эурека Лабс стартапини асос солган эди.
Карпатҳй таълим соҳасига бўлган қизиқиши ҳали ҳам юқори эканлигини ва келажакда бу йўналишдаги ишларини давом эттиришни режалаштираётганини билдирди. Унинг Anthropic жамоасига қўшилиши компаниянинг OpenAI ва Google билан рақобатда сунъий интеллект ёрдамида тадқиқотлар ўтказиш стратегиясига катта урғу бераётганини англатади.
