Google профессионал дикторлар овозидан сунъий интеллектни ўқитишда фойдаланганликда айбланмоқда
Proфессионал аудиокитоб дикторлари, подкастерлар ва мустақил журналистлар гуруҳи Google компаниясига қарши жамоавий даъво қўзғатди. Даъвода таниқли актриса Линдсей Доркус, Викториа Нассиф ҳамда бир гуруҳ суриштирувчи журналистлар технологик гигантни ўз овозларидан тижорий нейротармоқларни ўқитишда рухсатсиз фойдаланганликда айбламоқда. Даъво аризасига кўра, Google Иллинойс штатининг биометрик маълумотлар махфийлиги тўғрисидаги қонунини (БИПА) қўпол равишда бузган. Бу ҳақда Ixbt.com хабар беради.
Иш материалларида келтирилишича, корпорация Gemini Live, НотебоокЛМ, YouTube'даги автоматик дубляж функцияси ва Google Cloud Техт-то-Спееч каби сервисларини яратишда юз минглаб соатлик инсон нутқи ёзувларидан фойдаланган. Алгоритмлар ушбу аудио материаллардан аниқ спикерларнинг ноёб биометрик идентификаторларини (воисепринтс) ажратиб олган. Даъвогарлар ўзларининг интеллектуал мулки ва биологик маълумотлари Google маҳсулотлари учун манба бўлиши ҳақида огоҳлантирилмаганини ва ҳеч қандай розилик бермаганини таъкидламоқда.
Юристларнинг тушунтиришича, овоз нусхаси инсоннинг рақамли бармоқ изи кабидир ва уни ўзгартириб бўлмайди. Ижтимоий суғурта рақами ёки кредит картани алмаштириш мумкин, бироқ ўғирланган овоз нусхасини қайтариб бўлмайди, чунки биологик нутқ намуналари инсон билан умрининг охиригача қолади. Бу эса фойдаланувчиларнинг шахсий дахлсизлиги учун жиддий хавф туғдиради.
Суд жараёнининг асосий нуқтаси шундаки, Google технологиялари эндиликда ушбу мутахассислар билан меҳнат бозорида тўғридан-тўғри рақобатлашмоқда. Масалан, Google Cloud Техт-то-Спееч хизмати аудиокитоб нашриётлари учун жонли диктор ўрнини босувчи арзон муқобил сифатида таклиф этилмоқда. НотебоокЛМ эса тайёр подкастлар яратиб, журналистлар меҳнатини қадрсизлантирмоқда. Бу каби сунъий интеллект маҳсулотлари реал мутахассислар хизматидан бир неча баробар арзон баҳоланмоқда.
