Чиплар учун навбат: Google ўз тадқиқотчиларини ҳисоблаш қувватларисиз қолдирди
Google ўн йил давомида сунъий интеллект соҳасида энг йирик инфратузилма экотизимини барпо этди. Компания муваффақиятли булутли бизнесни йўлга қўйди, ўзининг TPU (Тенсор Proсессинг Унит) процессорларини ишлаб чиқди ва NVIDIA чипларига асосий муқобил сифатида бозорда етакчилик қила бошлади. Бироқ, ушбу тижорий стратегиянинг муваффақияти Алпҳабет холдинги кутмаган ички инқирозни келтириб чиқарди. Бу ҳақда Ixbt.com хабар беради.
Bloomberg нашрининг хабар беришича, Google DeepMind бўлинмасининг асосий тадқиқотчилари эндиликда ҳисоблаш ресурслари учун қаттиқ ички навбатларда туришга мажбур. Энг қизиғи, ушбу ресурслар компаниянинг ўз тадқиқотчиларига эмас, балки ташқи мижозлар — Anthropic ва Meta каби гигантларга сотилмоқда. Масалан, Google Anthropic компаниясига 5 йил давомида 5 гигаватт қувват ва бир миллион дона янги авлод Иронвоод чипларидан фойдаланиш имкониятини вада қилган.
Бундай улкан тижорий мажбуриятлар маълумотлар марказларидаги бўш қувватларни бутунлай банд қилиб қўйди. Gemini моделлар оиласини ишлаб чиқаётган ички жамоалар энди ўз тажрибаларини ўтказиш учун кутиш рўйхатларига ёзилмоқда. Google DeepMind раҳбари Демис Ҳассабиснинг таъкидлашича, танқислик икки томондан зарба бермоқда: биринчидан, Samsung ва СК Ҳйних каби етказиб берувчилардан олинадиган хотира чиплари етишмаяпти, иккинчидан, ички ресурслар тақсимоти тадқиқотлар тезлигини пасайтирмоқда.
Алпҳабет 2026-йилда инфратузилма учун 175–185 миллиард доллар сарфлашни режалаштирган бўлса-да, бозор талаби таклифдан тезроқ ўсмоқда. Ўз чипларини яратиш стратегияси иқтисодий жиҳатдан фойдали бўлиб чиқди, аммо компания энди бир вақтнинг ўзида ҳам рақобатчиларга хизмат кўрсатиш, ҳам ўзининг илғор тадқиқотларини юритиш имкониятига эга эмас.
Ресурсларнинг бундай қатъий меъёрланиши илмий жамоа ичида норозиликларга сабаб бўлди. Сўнгги бир ярим йил ичида DeepMind лабораториясидан бир қатор таниқли олимлар ва муҳандислар, жумладан, фахрий ходим Иоаннис Антоноглоу ҳам ҳисоблаш қувватлари етишмаслиги сабабли ишдан кетган.
